عبرت الفنانة سلمى أبوضيف عن سعادتها بالمشاركة في مسلسل "راجعين يا هوى"، مع الفنان خالد النبوي وفريق عمل المسلسل.
ونشرت سلمى صر لها مع فريق عمل المسلسل عبر صفحتها الشخصية بموقع "إنستجرام"، علقت عليه قائلة: "مشاعر وأحاسيس كتير حساها بعد انتهاء راجعين يا هوى.. حقيقي ده أكتر مشروع لمس قلبي.. عائلة أبوالهنا أخدت مكان كبيير في قلبي.. هتوحشوني بشكل مش هقدر أوصفه.. بيبو هيوحشني أوي... شريفة ويسرية وعمرو ومدحت وطارق وجدو جابر وداليا وعزة وفريدة وماجي وناس كتييرة أوي مش عايزة أنساها".
وأضافت: "كل فريق العمل اللي ساهم في العمل دة من وراء الكاميرات.. أنتو أبطال راجعين يا هوى.. وأخيرا الأستاذ محمد سلامة، اللي أداني فرصة إني أكون جزء من العيلة دي شكرًا علي إبداعك أستاذ محمد سلامة.. ممتنة ليك جدًا وللأستاذ العظيم خالد النبوي.. شكرًا لإيمانكم بيا ودعمكم الكبير.. بحبكوا من قلبي.. وشكرًا للأستاذ محمد سلمان عبدالملك للكتابة الجميلة والدكتور ميخا في لوحاتك وكدراتك الفنية وشكرًا شركة أروما.. هتوحشوني أوي أوي أوي".
أبطال المسلسل
مسلسل "راجعين يا هوى" بطولة خالد النبوي، نور، هنا شيحة، أنوشكا، وفاء عامر، أحمد بدير، إسلام إبراهيم، طارق عبدالعزيز، سلمى أبوضيف، مصطفى درويش، إسلام جمال، شريف حافظ، آية سماحة، سلوى محمد علي، تميم عبده، عمرو مهدي، نور النبوي، جلا هشام، وقصة الكاتب الراحل أسامة أنور عكاشة، ومعالجة وسيناريو وحوار محمد سليمان عبدالمالك، وإخراج محمد سلامة وإنتاج شركة أروما للمنتج تامر مرتضى.
