رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

شادى محمد: "شوبير أفضل مقدم برامج رياضية ومدرسته فى الإعلام محترمة"

ستوديو

حل الكابتن التاريخ للنادي الأهلي، شادي محمد، ضيفًا علي الإعلامية داليا فؤاد، في برنامج "ضرب نار" على قناة «القاهرة والناس»، مساء اليوم السبت، للكشف عن عدد من كواليس حياته الشخصية.

وقال الكابتن شادي محمد: "كابتن رضا عبدالعال حالة في الرياضة المصرية ليه طريقة نقد معينة، ليه مدرسة في النقد بينفرد بيها لوحده، أنا برفضها كشخص وكنجم كورة، هو كشخص طيب للأمانة، هو مش سبب مشياني من قناة تن، لأن شادي محمد لما بيروح مكان بيمشي بمزاجه لأن العقد شريعة المتعاقدين، هو سلطته زيي بالظبط في رئيس للقناة وفي ناس مسئولة، وهو مش سبب مشياني، أقولك على حاجة أنا أقعد بضهري في أي برنامج وورايا جماهيرية كبيرة جدا، وهي جماهير النادي الأهلي مش محتاج حد يضيفلي حاجة كشادي".

ورد على اتهام برنامج "أوضة اللبس" بعدم تحقيق نفس النجاح الذي كان يقدمه مع كابتن ميدو، قائلًا: "لا ميدو طبيعة برنامج تانية خالص، أنا بقدم فقرات جو البرنامج، ميدو يمكن كان بيناقش قضايا بس وبيجيب ضيوف أنا حاجة تانية خالص، ولو على نسبة المشاهدة كان متوفر لميدو كمية نجوم كبيرة كل حلقة بيدفع لها، أنا النجم عندي الجمهور".

وعن رأيه في اتحاد الكرة الحالي، قال: "الاتحاد الحالي عليه مسئوليات كبيرة جدًا، مستلم تركه قعدت سنين كتيرة، لازم يشتغلوا لصالح الرياضة المصرية، يبعدوا عن الألوان، شخصية الإداري الشاطر لازم تفرض نفسها على كل النوادي متخفش من الأهلي والزمالك، وهاني أبوريدة ملوش يد في اتحاد الكورة دلوقتي لكن قبل كده كلهم كانوا ولاد هاني أبوريدة قبل ما يلبسوا بيسألوه".

وحول خلافه مع حسن شحاتة، قال: " أنا مش مستني حد يسجلي أنا لو عايز أقول أي حاجة هقولها في وش أي حد، مقبلتش اللعب في مباراة الأرجنتين وقلتله الكلام شخصيًا واستبعدني بس راسي كانت فوق".

وعلق على سؤال: “مين أقوى مقدم برامج رياضية”؟، قائلًا: "أنا بشوف الكابتن أحمد شوبير مهنيا، مش معناه إن مدحت شلبي وخالد الغندور وحشين، لا مع إن الناس بتشوف إني معاه دايمًا لا بس هو دءوب جدًا، بحترم اللي يقعد يعمل اتصالات لشغله كتير، ومدرسته في الإعلام محترمة".