حل الكابتن التاريخي للنادي الأهلي شادي محمد، ضيفًا على الإعلامية داليا فؤاد، في برنامج "ضرب نار" على قناة «القاهرة والناس»، مساء اليوم السبت، للكشف عن عدد من كواليس حياته الشخصية.
وقال الكابتن شادي محمد: "مفيش لاعب في الأهلي تيشرت النادي تقيل عليه وميستحقش مكانه، بس في لاعيبة مكانتها لازم تبقى أكبر جوة النادي من مستواهم دلوقتي لأن الجماهير بتراهن عليهم طول الوقت، زي حسين الشحات، طاهر محمد طاهر، عندهم اللي يقدموه أكتر من ده الحقيقة، مفيش حاجة اسمها التيشرت تقيل عليهم، لا لازم تشتغل على نفسك عندهم أكثر من كدا".
وعلق على سؤال: “مين اللي هينجح لو مسك منصب رئيس النادي الأهلي؟”، قائلًا: "من وجهة نظري وممكن في المستقبل، حسام غالي ماشي في العمل الإداري كويس جدًا، وممكن في المستقبل يبقى رئيس الأهلي، لو اترشح هقف معاه طبعًا هو كاريزما وشخصية محترمة".
ورد على سؤال: “أفضل لاعب في الأهلي حاليًا؟”، قائلا: "مينفعش أقول أفضل لاعب، حمدي فتحي أفضل لاعب تكتيكي في مصر دلوقتي بلا منازع، عمرو السولية، أفضل مدافع نص ملعب، أحمد عبدالقادر أكثر لاعب محافظ على مستواه في الفترة الأخيرة، سواء على الدكة وبينزل أو بيبتدي المباراة، كل واحد ليه واجباته، التلاتة ميقدرش النادي يستغنى عنهم".
