شدد الشيخ خالد الجندى، عضو المجلس الأعلى للشئون الإسلامية، على ضرورة العمل والإنتاج، قائلًا، إنه يجب مثلما اجتهدنا فى الشعائر الدينية، يجب علينا الانتقال أيضًا إلى الشعائر الإنتاجية.
وأضاف الجندى، خلال حلقة برنامج "لعلهم يفقهون"، المذاع على فضائية "dmc"، اليوم الخميس: "لو أنتجنا في مصانعنا بنفس جودة إخلاصنا في مساجدنا لَتفوقنا على أهل الأرض، مش عيب إنى أطلب منكم الطلب ده، إننا ننتقل بعد رمضان إلى الشعائر الإنتاجية، كل شخص يؤدى دوره لزيادة الإنتاج".
وتابع: "تعالى شوف بعد العيد، هتيجى تطلب أى صنايعى، مش هتشوفه إلا بعد شهر، ليه عشان بيعيد، وإحنا بنقول لهم من كان يعبد رمضان فقد فات، والله باق".
وأكمل: "ليه الناس تسيب أشغالها وتقعد وتقول عشان رمضان، وفى نوعية تانى بتنفق وبتصلى وتتصدق، فى رمضان وبعد رمضان مفيش حاجة بيعملها.. عاهدوا الله إنكم تواصلوا ما كنتم تفعلوه فى رمضان من صدقات وزكاة وصلاة".
