كشف الإعلامي جابر القرموطي، عن تفاصيل مغامرة اتجاهه للغناء، قائلًا: "إنها كانت مغامرة حلوة جدًا، وطالما إن اسمها مغامرة فأنا كنت عايز أعملها، وجزء كبير من المغامرة هو إنك تعملها، لأنك لو معملتهاش مش هتبقى مغامرة".
وعن الإعلاميين الذين ينافسونه، أوضح القرموطي، خلال لقائه ببرنامج "نجوم السماء" المذاع عبر القناة الأولى المصرية:" أنا معنديش حد ينافسني في خطي، مش عشان أنا حلو، لكن عشان الصحافة التليفزيونية مفيش فيها كتير".
وكشف الإعلامي جابر القرموطي، عن تجربة تخلصه من فوبيا القطط، قائلًا: "شفت قطة بتتباع في مكان لبيع القطط فمعجبنيش الطريقة، حسيت إن فيها نوع من النخاسة، فحسيت إنها زيي واشتريتها، ومن يومها تحول الخوف من القطة إلى عشق للقطة، ولو شفت أي قطة في الشارع دلوقتي وأنا في عربيتي أنزل لها".
وأشار إلى أنه لو أصبح هيرو مثل سوبر مان وبات مان، سيسمي نفسه "جابر مان".
