بدأت أحداث مسلسل «جزيرة غمام» تتضح بشكل تدريجي أمام المشاهد، حيث تضمنت الحلقة 25 الكثير من التفاصيل الشيقة.
وتألقت الفنانة مي عزالدين فى دور «العايقة»، وهي شخصية الغجرية التي تأتي إلى «جزيرة غمام» لتقلب حياة سكانها رأسًا على عقب خاصة مع محاولاتها التأثير على فتيات الجزيرة ورجالها تارة بجمالها وأخرى عن طريق ضرب الودع ومعرفة الأسرار.
مسلسل جزيرة غمام الحلقة25
وخلال الحلقة 25 يطلب الحاج عجمي من خلدون أن يجلس معه فيبدأ خلدون قائلًا: "والله لو أي حد خلقه ربنا قالي عايزك والله ما أروح له"، ليرد الحاج عجمي: "ليه إن شاء الله يا خلدون بقيت كبير من ميتا، نزل رجلك من قدامي مين أذن لك تقعد من أساسه فز قوم"، ليتابع: "أنزل رجلي عشان أنت راجل كبير في السن، لكن أقف لا"، ليعقب: "قولي عايز إيه بالظبط بالله العظيم لو صبري نفذ هخلص عليك واختصر".
وتابع: "خلدون بنفسه جاي لحد عندك وطالب يد بنتك حبيبتك درة تبقي مرتي وزينة بيتي"، ليعقب:" شكلك شارب حاجة عشان بتتحدث من غير عقل، أنت تتجوز بنت العجمي"، ليرد: "بالله العظيم لو ما فوقت لروحك لجيب رقبتك في يدي"، ليعقب: "لا ما هو أنا مش فراج أخوك الصغير اللي كان أبوك هيحبه أكثر منك وإلا البطلان قالك إن أبوك هيورثه مكانك وروحت ودخلت عليه وهو عيان وعنده حمى وعلي رقبته ودوست، لولا أبوك دخل وبعدها بأسبوع مات ومحدش عارف مات إزاي وصراحة مبطلتش بكي لحد ما أبوك خدك للشيخ مدين وطبطب عليك لو زمانك ندمان لحد دلوقتي"، ليرد: "اطلع برة يا خلدون"، ليعقب: "أنا أحسن من عرفات اللي عايز تجوزه بنتك، أنا اللي خرجت عرفات وشياطينه من الجزيرة مش محارب زي يسري ما قالك وأقدر أعمل كتير أقدر أهجج بنتك من بيتك وأمشيها مدبوبة في شوارع الجزيرة وأحكي عنها حكايات هي وعرفات والناس هتصدق، خلاص الناس بتصدق واحد بس خلدون، لو منك تجوز بنتك لخلدون أحسن وأستر".
طاقم عمل جزيرة غمام
مسلسل «جزيرة غمام» يشارك فى بطولته بجانب مى عزالدين، عدد كبير من النجوم على رأسهم طارق لطفي، فتحى عبدالوهاب، أحمد أمين، رياض الخولي، عبدالعزيز مخيون، وفاء عامر، محمود البزاوي، محمد جمعة، هبة عبدالغني، تأليف عبدالرحيم كمال، وإخراج حسين المنباوي.
مواعيد عرض مسلسل جزيرة غمام
ويعرض مسلسل جزيرة غمام بطولة مي عز الدين الحلقة 9، على قناة الحياة، في تمام الساعة 10.30 مساءً، وحلقة الإعادة الساعة 2:15 صباحًا يوميًا.
