قال الرئيس عبدالفتاح السيسي إن الدولة عملت على تنمية وتطوير كل قطاعات الدولة المصرية، ولم يتم تأجيل أي قطاع لا طاقة ولا نقل ولا صحة ولا تعليم.
وأضاف الرئيس السيسي، خلال حفل إفطار الأسرة المصرية: "عندنا 2.5 مليون زيادة سكانية كل سنة، محتاج 60 ألف فصل سنويا على الموجود، على 10 سنين محتاج 600 ألف فصل، بتكلفة من 30 مليارا لـ60 مليارا غير تشغيله، مليون مدرس بكام؟ سؤال منين وبكام لازم يكون حاضرا في ذهنك".
وأردف الرئيس السيسي: "هل نمونا كقدرات دولة زادت بما يوازي العشرين مليون اللي زادوا؟ حالنا لازم مننسهوش لما توصف المسألة، عندما تتحدث في الشأن العام، اتكلم ما شئت لو معرفتش أرد عليك مفروض مقفش في مكاني، في كل قطاع هقولك اللي عملناه ده والباقي مش قادرين".
ولفت إلى حديثه مع أحد رسامي الكاريكاتير، الذي قال "بنقول للأولاد مصر دايما تقدر تعمل كل شىء"، فرد عليه الرئيس: "إزاي تبنوا في نفس أولادنا إننا نقدر نعمل كل شيء، لازم نبني في الشخصية المصرية قدرات نقدر نعملها وقدرات منقدرش، وإلا نبقى نبني انطباعا غير حقيقي".
وأشار الرئيس إلى أنه طبقًا للمعايير الطبية يجب توفير 2.8 طبيب لكل ألف نسمة، لكن لدينا 1.4 طبيب لكل ألف نسمة.
ومن جهته قال وزير الصحة الدكتور خالد عبدالغفار، إن نقص عدد الأطباء أحد أسبابه عدم وجود دخل مناسب للأطباء يجبرهم يكونوا موجودين في العمل، لذلك فإن الأطباء المؤهلين يتم استقطابهم من دول العالم، ورغم ذلك يوجد 83 مليون مواطن استفاد خلال آخر 4 سنين، من المباردات الصحية التي تم إطلاقها.
وأردف الرئيس السيسي: "لو كنا عاوزين نعمل تنمية حقيقية، أنت عاوز أرقام مش موجودة، آثار الأزمات ومعالجاتها لا تسقط بالتقادم، موضوع تراكمي يتحمل الشعب والدولة، وهذا الكلام لا يحبطنا".
