قال الرئيس عبدالفتاح السيسي إن يوم القيامة الكل سيقف أمام الله، وكل واحد منا سيُسأل، مشيرا إلى أنه سيُسأل عن كل كلمة وفعل تم في فترة 2013 وحتى الآن.
وأضاف، خلال كلمته بحفل إفطار الأسرة المصرية: "لما آجي أقف هنا مع الرئيس محمد مرسي أنا كنت بقف مع مصر لو تآمرت عليه بعد ما تولى فأنا كده أبقى تآمرت على البلد و100 مليون ضيعت حياتهم واستقرارهم، والفكر والإخلاص والأمانة والشرف كان من أجل بناء وحماية وطن".
وتابع: "الناتج المحلي اللي المفروض كان يتحقق في مصر بشهادات المؤسسات الائتمانية 8 تريليونات جنيه حتى 2015، واللى اتحقق 475 مليار فقط، وكان معدل دخل الفرد طبقا للناتج المحلي ألفين وشوية دولارات، وكان مقدر يكون 4 آلاف دولار، والنتيجة كانت إن الاحتياطي خلص واللي تم بناؤه في سنين طويلة خلص، ومكنش حد يقدر يحل المشكلة دي خالص، ولو كان الفريق أحمد شفيق كان نجح هل كان يقدر في التحديات دي أو أي حد تاني بمن فيهم أنا؟ لا".
وواصل: "لولا تدخل الأشقاء العرب بعشرات المليارات من الدولارات في 2013 و2014 لم تكن لمصر قائمة حتى الآن، والحقيقة الكلام ده يزعل.. في 2011 ربنا سترها ونجانا و2013 ربنا سترها ونجانا وفي أزمة كورونا ربنا سترها معانا وإحنا في 2022 في الأزمة الأوكرانية بأكد لكم إن ربنا هينجينا".
