رئيس مجلسي الإدارة والتحرير
د. محمد الباز
رئيس التحرير
وائل لطفى
رئيس مجلسى الإدارة والتحرير
د. محمد الباز
رئيس التحرير
وائل لطفى

اعتذار رسمى من منة عرفة للوسط الفنى: «فخورة إنى اتربيت وسطكم»

ستوديو

قدمت الفنانة منة عرفة اعتذارًا للوسط الفني ولجمهورها، عن سوء الفهم الذي حدث على إثر رفضها تصوير بعض المشاهد.

 

وقالت منة، خلال لقائها الإعلامية داليا فؤاد، في برنامج "ضرب نار" المذاع عبر فضائية "القاهرة والناس": "أعتذر لكل الناس اللي بتحبني، وبتابعني على كل اللي حصل، أعتذر لأي حد داخل الوسط الفني اللي اتربيت وكبرت فيه، والوسط اللي أنا فخورة إني منه، الوسط اللي بحبه، وناس بحبها وكبرت على إيديهم، عمري ما أسيئ للوسط اللي طلعت منه".

وأضافت منة: "لو أسأت للوسط الفني اللي طلعت منه يبقى بسيئ لنفسي، أنا بحترم كل الناس، بطلب من الناس يحترموا كلامي واختياراتي، لأني في الآخر مش ملاك مش هعمل كل حاجة صح، هتعب ويحصل لي مشاكل هتظلم وأظلم، أغلط ويتغلط فيا، كونوا ناس رحيمة، متاخدوش حد بذنب حد".

 

وأردفت: "بالنسبة لمحمود مش عايزة الناس تزعل منه، هو مش شرير، هو أغلب من كده بكثير، كل الحاجات دي جديدة عليه، هو متسرع جدًا، ومرة تانية آسفة لأي حد داخل أو خارج الوسط الفني، فاكر إني بسيئ للفنانات التي تقدم مشاهد لا أقدمها، لا أسيئ لهن، أنا اخترت حاجة معينة، وأتمنى تحترموا اختياراتي".