كشف النجم عصام شعبان عبدالرحيم عن عدد من كواليس حياته الشخصية خلال لقاء تليفزيوني منذ قليل.
وقال الفنان عصام شعبان عبدالرحيم، خلال لقائه ببرنامج "سابع سما" مع الإعلامية راغدة شلهوب، المُذاع عبر فضائية "النهار"، مساء الثلاثاء: "حلمي بكر مقدرش أقول عليه كلام وحش أي حاجة كانت بتحصل بينه وبين أبويا مليش دعوة بيها، دلوقتي لو شوفته هبوس إيده وأقوله ربنا يسترها معاك".
وعلق على صورة حمو بيكا قائلًا: "فيه واحد نفسه ياكل عيش ويقلد أبويا أنا أشيله فوق دماغي وأصقف له كده، دا محمد رمضان بنفسه بيلبس زي أبويا بالظبط، دي بدلتي دي فصلتها عند أشرف فجلة بتاع أبويا وكل الناس وحمو بيكا بيفصل عنده، الموضوع دا مبيضايقنيش، أي واحد بيقلد أبويا أحترمه، مش هاجي عليه بس محبش حد يصتنع التلقائية والطيبة بتاعة أبويا، دا كانوا بيقولوا على حمو بيكا في يوم من الأيام حفيد شعبان عبدالرحيم كانوا بيصتنعوا الطيبة والإفيه".
وأجاب عن سؤال: "أنت ولا حمو بيكا بيلبس زي شعبان عبدالرحيم وبيقلده؟"، قائلًا: "لا هاتي صورة ليا ولحمو وخلي الناس تقولك مين اللي شبه شعبان، مين اللي ينفع يلبس ومين ينفع يقلع".
