كشفت الإعلامية المعتزلة ريهام سعيد، أنها لم تتجه لمجال التمثيل بمحض الصدفة وإنما هي مهنة وفقا لدراسة قامت بها على مدار سنوات، موجهة في ذلك رسالة لمن يتهمها بأنها دخيلة على مهنة التمثيل.
ونشرت صورة لها عبر حسابها الرسمي بموقع تبادل الصور والفيديوهات، "إنستجرام"، وعلقت عليها: "توضيح أنا بقرأ حاجات كتير غريبة منها إني إعلامية اتجهت للتمثيل ده مش حقيقي أنا خريجة مسرح قسم تمثيل من الجامعة الأمريكية والتخصص الأصغر إعلام وبعدين لما اشتغلت في الإعلام عملت ماجستير في الصحافة التليفزيونية بالجامعة الأمريكية".
وأضافت: "أنا عضو نقابة مهن تمثيلية من ٢٥ سنة وبدايتي كانت في مسارح الدولة ومسلسلات صوت القاهرة ومدينة الإنتاج وبعدين اشتغلت مذيعة بالصدفة لإن أهلي مكانوش موافقين على التمثيل اشتغلت في الإعلام قال يعني مبعدش عن المجال كان تفكير عيال.. وشاء القدر استمريت بالتمثيل بس برنامجي نجح نجاح غير مسبوق وغطى على حلمي ومتعتي الحقيقية وهي التمثيل".
واختتمت: "أنا ممثلة اتجهت للإعلام وبعدين اعتزلته عشان أحقق حلمي كممثلة.. يمكن يكون مش مهم التوضيح ده بس مهم بالنسبة ليا أنا مش دخيلة على مهنة التمثيل دي مهنتي اللي بعتز بيها واللي درست عشانها وتعبت أوي فيها ولسه هجتهد أكتر لغاية ما أوصل بإذن الله".
