حل نجم برنامج المقالب كريزي تاكسي الفنان إبراهيم السمان، ضيفًا على الإعلامية داليا فؤاد، في حلقة جديدة من برنامج "ضرب نار"، المُذاع على قناة “القاهرة والناس”، مساء اليوم السبت، ليكشف عددًا من كواليس حياته الشخصية.
وعلق على سؤال: "مين نجم المسرح محمد صبحي ولا أشرف عبدالباقي؟"، قال: "محمد صبحي، مفيش عمل قريب بيني وبين الأستاذ محمد صبحي اتقابلنا واتكلمنا بس لسه، وإن شاء الله يكون فيه".
وكشف سر خسارته لوزنه، متابعًا: "أنا عندي تصالح مع نفسي في الموضوع دا جدًا، أنا لما زاد وزني اتحطيت في قالب معين على مستوى الشغل والتمثيل وكنت مضايق جدًا ونفسيتي مش متقبلة دا خالص، والناس بدأت تتوه وكنت بقبل حاجات عشان أبقى متواجد على الساحة، والمخرجين والناس كانوا عندهم حق على فكرة دا مش أنا، ولكن خدت القرار إني لازم أخس مش بس عشان الشغل عشان صحتي".
وعن حقيقة الخلاف بينه وبين الفنان بيومي فؤاد، قال: "لا مفيش خلاف، مين اللي قالك الكلام دا، دا لسه كنا بنعمل حاجة كويسة خارج مصر، ممكن مناوشات كدا في التصوير بس مفيش خلاف ولا حاجة دا راجل جميل".
وعلق على سؤال "مين أحسن ممثل كوميدي في وجهة نظرك أحمد حلمي ولا محمد هنيدي؟"، قائلًا: "هنيدي بالنسبة لي كوميديان وأحمد حلمي كوميديان لما يبقى معاه ورق جامد أوي ومقدرش أصنفه كوميديا بس، إنما هنيدي ما شاء الله عليه".
وأوضح حقيقة اتهام الفنان مصطفى شعبان بمعاملة الفنانين معه بشكل غير لائق في مسلسل "أيوب"، قائلًا: "لا بصراحة محصلش الكلام دا، راجل محترم جدًا، وفي مساحة إن إحنا نتناقش في الشخصيات وبيحب المسرح جدًا".