رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

"تحب تضرب مين بالنار"؟.. إبراهيم السمان يُجيب

ستوديو

حل نجم برنامج المقالب كريزي تاكسي الفنان إبراهيم السمان، ضيفًا على الإعلامية داليا فؤاد، في حلقة جديدة من برنامج "ضرب نار"، المُذاع على قناة “القاهرة والناس”، مساء اليوم السبت، ليكشف عددًا من كواليس حياته الشخصية.

وقال إبراهيم السمان: "الستات أذكياء جدًا، وبتعرف الراجل بيعمل إيه من كلمة ألو في التليفون، أنا أبصم بالعشرة على دا".

وعلق على سؤال: "أكثر مكان بتحبه وبتقضي فيه وقتك في بيتك؟"، قائلًا: "أنا بقعد غالبًا في أوضة النوم والحمام، أكثر اتنين لأن أنا بقعد كتير أفكر قبل ما أنام وبعد ما أصحى من النوم، وأكتر أفكار بتجيلي وأنا في الحمام، قبل ما أنام وأنا في الحمام أفكاري تمام".

ورد على سؤال: "لو مسافر هتاخد مين معاك؟"، قال: "هاخد صاحبي عندي أكتر من حد محمود حمدان، أحمد كشك، حسن عيد، أحجز لهم تذكرتين على حسابي عشان أخدهم الثلاثة".

وأجاب عن سؤال: "أكتر حاجة محتاجها الفترة دي؟"، قائلًا: "أنا مبخدش مهدئات الحمد لله، بس محتاج آخد مهدئات عشان الفترة اللي فاتت دي صعبة جدًا عليا بشكل مش طبيعي، حصل حاجات كتير كدا ورا بعض، بس الحمدلله عندي مساحة كدا مع ربنا من بعد وفاة والدي".

ورد على: "مين المزيفين اللي تحب تضرب عليهم نار؟"، قال: “أي حد بيقدم محتوى على السوشيال ميديا وهو غير أهل أو غير صالح، أنا اتهاجمت كتير جدًا على السوشيال”.