حل نجم برنامج المقالب كريزي تاكسي الفنان إبراهيم السمان، ضيفًا على الإعلامية داليا فؤاد، في حلقة جديدة من برنامج "ضرب نار"، المُذاع على قناة “القاهرة والناس”، مساء اليوم السبت، ليكشف عددًا من كواليس حياته الشخصية.
وعلق على سؤال: "مين أهم ممثل في مصر أمير كرارة ولا محمد رمضان؟"، قال إبراهيم السمان: "لو اتعرض عليا مسلسل أفضل أشتغل مع أمير كرارة".
ورد على سؤال: "بتلمح للبنت اللي إنت معجب بيها إزاي؟"، قال: "ممكن أبعت إشارات، بصي أنا موضوع التلميح أنا بعرف ألمح كويس أوي، مش بالإشارات ولا بزعق عليها، ولا بفتح معاها أي كلام، مليش في التسبيل خالص، بالعقل، أكثر حاجة بتلفت نظر الأنثى هو عقل الراجل، عقله واللي بيترجمه بلسانه بس دا المفتاح ودا المدخل، واللي أنا بقوله دا هيوديني في داهية".
وتابع: "دي أكثر حاجة تلفت نظر الست من اللبس، وبالمناسبة أنا كمان يلفت نظري عقل الست، من الآخر شكلها مش مهم أوي ده مش نمبر وان أوي".
