قال الفنان طارق لطفي، إنه يتابع ردود الأفعال على مسلسل "جزيرة غمام"، إذ إن آراء الجمهور في المسلسل مدهشة ومبهرة، والجمهور يعلم الفنان كل فترة أمرًا جديدًا، وهو أن يقوم الفنان بعمل أمر جيد وراق ومختلف.
وأضاف لطفي خلال لقائه مع ببرنامج "هذا الصباح"، المُذاع على فضائية "إكسترا نيوز"، أن الجمهور له ردود أفعال مدهشة بشكل غير عادي، متابعًا: “كلنا فرحانين بيها جدًا، ومكناش متوقعين الحجم ده من النجاح، كنا بس متوقعين نعمل عمل جيد لأن كل العناصر الأساسية متوفرة بشكل جيد، من كاتب رائع ومخرج رائع ومدير تصوير وشركة إنتاج وممثلين محصلوش، كل واحد منهم ممثل تقيل يشيل عمل، فلما تجتمع العناصر دي مع بعضها أكيد المحصلة هيكون فيها حد أدنى من النجاح، ولكن المحصلة الحمد لله بقت حاجة هايلة ورد فعل الناس حسسنا إننا لازم منفكرش بالجمهور بالشكل ده لأنه بيدهشنا كل مرة”.
طارق لطفي: عبدالرحيم كمال لغته في المسلسل هايلة
وأوضح طارق لطفي أن الكاتب عبدالرحيم كمال، كاتب مسلسل "جزيرة غمام" صعيدي المنشأ ويفهم جيدًا تفاصيل مجتمع الصعايدة، هو عارف أكتر مننا وإحنا روحنا منطقته، وعبدالرحيم اللغة عنده في المسلسل ده هايلة لأنه صعيدي وأصله أقرب للغة دي، لأنه عنده جمل قصيرة جدا لو فردناها في العامية هنلاقيها 4 أو 5 جمل، وكل جملة بتتقال بمعنى وتنفع تبقى مثل، واستخدم الجمل بشكل مكثف جدًا وكان لازم نقولها بلهجتها المظبوطة علشان تطلع طعمها حلو زي ما هو كاتبها، فكان لازم نذاكر كويس ونحفظ الجمل زي ما قالها كويس.
