واجهت الإعلامية بسمة وهبة، الفنانة فيفي عبده، بخبر بعنوان "جلسة مثيرة مع فيفي عبده لمدة ساعتين والفنانة تعلن الأسعار والشروط"، لترد فيفي: "لا يوجد أصل للحكاية".
وقالت فيفي عبده، خلال لقائها ببرنامج "العرافة" المذاع عبر فضائية المحور، الذي تقدمه الإعلامية بسمة وهبة: "مش فاهمة يعني إيه مثير ده، اللي مكتوب مالوش معنى، واللي كاتب الخبر واحد هندي".
وأوضحت الفنانة فيفي عبده، أن هناك ضريبة للشهرة، معقبة: "موتوني وأنا عايشة".
رد فيفي عبده على وصف الناس لها بالجنان
كما واجهت بسمة وهبة فيفي عبده بتصريحات تليفزيونية لها، حيث ظهرت فيفي عبده وهي تقول: "فكرت أروح أفتح التربة وأقعد في الحوش عشان أتأقلم، أنا بوصي التُربي من دلوقتي، أنا هبقى معاك خلي بالك مني، وإبقى إروي التربة وبلاش ورد عشان مينشعش ميه عليا"، لتكمل بسمة وهبة: "الناس بتقول فيفي عبده اتجننت بقت تطلع لايف وبتروح تقعد في الترب كتير وتقفل على نفسها فترات طويلة».
وردت فيفي عبده على كلام بسمة وهبة بأنها "اتجننت": "أولا جن يبقى يلهف اللي عندك.. اللي جابلك الخبر ده وقالك اتجننت.. اتجننت ليه بعد الشر عليا".
وتابعت: "ناس كتيرة بحبهم راحوا، سمير غانم ودلال عبدالعزيز وكورونا الواحد بقى شايف إن الموت موجود في أي وقت.. ده مش جنان ممكن يكون جالي اكتئاب للحظة لما ناس عزاز يروحوا، وأختين عندي توفوا في سنة واحدة، أنا ما اتجننتش ولا حاجة أنا اكتئبت وده طبيعي، أنا قعدت سنتين في البيت ما بخرجش".
