كشفت الفنانة ميمي جمال عن أنها عادت للتمثيل بعدما تعبت من طول بقائها على الكنبة لا جديد في حياتها.
وأضافت ميمي، خلال لقائها الإعلامية راغدة شلهوب، في برنامج "سابع سما" المذاع عبر فضائية "النهار": "قعدت فترة كبيرة على الكنبة، كل بنت اتجوزت وراحت بيتها، ومش لاقية حاجة جديدة أعملها، لقيت الجديد في الشغل".
ولفتت ميمي إلى أنها تمنت أن تنجب ولدا لترضي زوجها وتبسطه، لأنه كان متزوجا قبلها ولديه ابنة، وكان يريد ولدا، مردفة: "جبت بنتين، قلت له جبتهوملك فكة".
وأردفت ميمي أنها كتبت ثروتها لبنتيها، مردفة: "مخلفتش ولد، وحبيت أن تعبي يبقى لبناتي الاتنين، حسن جوزي كتب ثروته لبناته قبل وفاته في المستشفى، وكان ليه وجهة نظر إن العيل طول ما هو محتاجك هيبقى شايلك فوق دماغه، لو مش محتاجك هتلاقي نفسك بتتعاملي معاملة مختلفة، وهو كان له ولاد أخته، فرتب قبل وفاته، وادى للبنات التلاتة وأهله، ومحدش زعلان".
