قالت الفنانة انتصار إن رد الفنان محمد رمضان على تصريحها بأنه ليس نمبر وان، ليس هجومًا، وإنما محبة ومناغشة.
وأضافت انتصار خلال لقائها الإعلامية بسمة وهبة، في برنامج "العرافة" المذاع عبر فضائية "المحور": "عملي تاج على أغنية مافيا، وكتب لي شكرا يا انتصار، محبة ومناغشة، مزعلش مني، لأن قوة علاقتي بيه أكبر من إنه يزعل، أنا بأمثل له حاجة مهمة، وهو بيمثل لي لحظة مهمة مش ممكن حاجة تلوثها".
وحكت انتصار موقفًا جمعها مع محمد رمضان وهو صغير، قائلة: "كان لسه صغير، وكنا في مسرح البالون، مع محسن حلمي المخرج، لقيت اتنين صغيرين جايين، أنا الوحيدة اللي انتبهت له، قلت له عاوز إيه يا حبيبي، قال بنلف على المسارح، بندور على فرص، عايزين نوري المخرج إننا بنعرف نمثل، كلمت المخرج، ولما لقاني متحمسة فقال هاتيهم".
وأردفت: "قلعوا الشنط وقلدوا أحمد زكي ومحمد سعد، سقفت لهم جامد، محسن حلمي سقف لهم سقفة خفيفة، ولما كنا في مهرجان القاهرة الدولي في حفلة المهرجان، محمد رمضان قال لي إزيك يا انتصار، وفكرني بالموقف".
وعن وصفه بنمبر وان، قالت انتصار: "محمد رمضان حاسس إنه نمبر وان، وعايز يخلي الدنيا كلها تحس اللي هو حاسه".