رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

رسالة نارية من حمو بيكا للمتنمرين تشعل «إنستجرام»

ستوديو

أعرب مطرب المهرجانات حمو بيكا عن استيائه من حالة التنمر التي تعرض لها عبر مواقع التواصل الاجتماعي، بعد حلقته في برنامج "حبر سري" مع الإعلامية أسما إبراهيم.


وكتب حمو بيكا عبر صفحته بموقع تبادل الصور والفيديوهات، إنستجرام،: "يا جماعة يا ريت نفهم إن أنا موجوع وتعبان، اتنـمر عليا مرة واتنين وتلاتة ولسه فيه ناس بتنمر عليا، لحساب مين كل ده، أنا بني آدم زي زيكم والله".

وقال: "الأستاذ هاني حضرتك كنت في ندوة واتنـمر عليا وأنت أخويا الكبير، وأنا مسامح والله، بس كفاية بالله عليك أنا آه مش بعرف أقرأ وأكتب بس ربنا خلقني بقلب أحس بيه، كفاية تجرحوني، مش كل واحد يبقى عنده سلطة يتحكم في البشر؟".

وأضاف: "أنا من 5 سنين بعاني، بس هما شايفين إن إحنا مبسوطين وفرحانين، لا أنتم اللي مبسوطين لأن معاكم ومعاكم وعندكم كتير بس عمرنا ما بصينا ليكم، ليه لما يكون معايا حاجة تحسدوني عليها وعايزنيها؟، ده غير مرضي اللي بدفع فلوس كتير خلال شهر واحد".

وتابع حمو بيكا: "حسوا بمشاعري، لو أخطأت في حاجه تعالى وحاسبني وعلمني الصح من الغلط، أنا فاتح بيت وعندي أسرة وعندي مسؤوليات كتير لا يعلم بيها إلا ربنا، أرجوكم كفاية".

واختتم: "أتمنى تحكموا بينا بالعدل، وربنا سبحانه وتعالى قال (وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ)، كفاية تنمر عليا وافتكروا كلام ربنا، (يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ)".