حلت الفنانة نجوي فؤاد ضيفة على الإعلامية داليا فؤاد، في حلقة من برنامج "ضرب نار"، المُذاع على فضائية" القاهرة والناس"، مساء الأحد، للحديث عن تاريخها بين الرقص الشرقي والتمثيل.
وكشفت الفنانة نجوي فؤاد عن سبب اختفائها خلال الفترة الماضية، مشيرة إلى أنها كانت مريضة لمدة سنتين، حيث أصيبت بانزلاق عضروفي وأجرت عملية في قديمها، فضلًا عن كورونا، متابعة: "الثلاثة مع بعض خلوني قاعدة في أُمُم في البيت".
وعلقت على سؤال: "إيه الحاجة اللي نجوى فؤاد ندمانة عليها، وعلى مين؟"، قالت فؤاد: "لا مفيش حد أندم عليه بس ندمانة إني معملتش أسرة، حسيت بالوحدة الأولاد كانوا مهمين، بس أرجع وأقول لنفسي مش عجباني الطريقة بتاعة الشباب، عندي بنت أنا متبنياها، من ناس قرايبي، وعندي منها حفيدة، كان نفسي يبقي عندي أسرة الوحدة بتقتلني وبتتعبني أوووي أوووي".
وردت علي سؤال مين الراقصة اللي كانت بتحارب نجوى فؤاد وبتحقد عليها؟، تابعت: "مفيش حد، مكنش فيه غيرة زمان لأن كل واحدة كان ليها اللون، سهير زكي وفيفي عبده كل واحدة ليها لون، لو مكنتش الغيرة كان السلع بارت، بس مش غيرة مدمرة، فيفي عبده بتحب تغير وتعلي بنفسها طموحة وتعمل حاجات جديدة ".
"دي إهانة!".. نجوي فؤاد: "ارمي عليا ورد أحسن ما ترمي عليا فلوس"
وعن سؤال "مين السياسي اللي حاول يقترب لنجوي فؤاد وصدته؟"، قالت: "ياما كانوا بياسفروا ويعملوا فلوس ويرموا على الفنان، مرة واحد من بلد شقيق، رمى فلوس عليا نزلناها في القسم اللي قدام الفندق وخدها وشتم نجوي فؤاد واللي خلفوها، رافضة المبدأ: "دي إهانة، قدميلي وردة بعد ما أخلص وقولي لي دا عمل جميل جدا".
