استضافت الإعلامية بسمة وهبة، في حلقة جديدة من برنامج "العرافة"، على فضائية "المحور"، مساء الأحد، مدرب حراس مرمى المنتخب الوطني، الكابتن عصام الحضري.
وتعليقًا على سؤال: "هل صلاح علم بالهجوم عليه إنه مبيلعبش مع المنتخب بضمير زي ليفربول؟"، قال: "اللي بيلعب في المنتخب هو نفس اللاعب اللي بيلعب في النادي، الناس تقول زي ما هي عايزة إحنا عمرنا ما بنزعل من أي نقد، هو مين صعدنا كاس عالم في 2017 محمد صلاح وحط ضربة جزاء في وقت عمر أي لاعب ما يقدر يستحمل الضغط ده، صلاح أول واحد بيبقى جاي سعيد وهو بيلعب لمنتخب بلده".
وردًا على سؤال: "مين السبب إن إحنا منوصلش لكأس عالم؟"، قال: "فيه أسباب لو إنتي هتكلمي إننا مكسبناش هنا آه، السنغال قوي ومنتخب مصر معروف في الكورة الإفريقية إنه رقم واحد، أنت موصلتش كأس عالم بضربات الحظ، مينفعش تقولي ليا لاعب ضيع ضربة جزاء".
وأشار إلى أن المنتخب المصري هو الوحيد الذي واجه أقوى منتخبات القارة الإفريقية، وأخذ أول المجموعة، تحت قيادة كيروش، ولا يستطيع أي أحد تحمل ما تحمله كيروش في 6 أشهر وكيروش مبيلعبش كورة عقيمة، لترد بسمة وهبة: “صفر بطولات، مينفعش يبقى كل طموحاتنا إن إحنا فوزنا على المنتخب الليبي رايح جاي مع كامل احترامي له”، ليرد الحضري: “رايح جاي أحسن ما كنت أطلع”، لترد بسمة وهبة في تهكم: "يا كابتن يعني أنت راضي عن الكلام ده، ده منتخب مصر يا كابتن عصام".
