استضافت الإعلامية بسمة وهبة، في حلقة جديدة من برنامج "العرافة"، على فضائية "المحور"، مساء الأحد، مدرب حراس مرمى المنتخب الوطني، الكابتن عصام الحضري.
وقال الكابتن عصام الحضري: “مش تبرير، بس استقبالهم لينا في السنغال غير استقبالنا ليهم هنا”، لتفاجئه بسمة وهبة بسؤال: "ده أنتو كنتوا بتلعبوا في شمال إفريقيا في أجواء أسوأ من كدة"؟، ليرد الحضري: "بيتهيألك ممكن تكون نفس الأجواء بس دلوقتي أفظع بكتير".
وتعليقًا علي سؤال: "مين من لاعيبة المنتخب اللي كان عندهم خبرة يمتصوا حماس الجماهير؟"، قال الحضري: "اللاعيبة كلها عندهم خبرة وهدوء أعصاب"، لترد عليه بسمة وهبة في عصبية: "ما أنت بتقول مخضوضين بقى مترسيلك على حل".
ليتابع الحضري: "عندهم هدوء أعصاب، بس التشجيع اللي هما شايفينه والحماس قدامهم مخليهم قلقنين، القلق ممكن يجيب استقرار بس ممكن يجيب عكس كدة"، لترد بسمة وهبة: “طب ما السنغال لعبت قدام 65 ألف واحد في القاهرة يرجوا أي حد”، ليرد الحضري: "في فرق بتلعبي في أجواء ليزر وشحن جماهيري".
