قال المنتج جمال العدل، إنه يتمنى العمل مع الزعيم عادل إمام، معقبًا: “أفتقده جدًا هذين الموسمين بشكل غير طبيعي”، متابعًا: "عادل إمام أخ أكبر لنا من 50 سنة".
وأضاف، خلال لقائه ببرنامج العرافة، المذاع عبر فضائية المحور، الذي تقدمه الإعلامية بسمة وهبة، إنه “لم يقل إنه رفض العمل مع عادل أمام علشان مش عاجبه طريقته”، لافتًا إلى أنه لم يقل الجملة بهذا الشكل حيث تم تحريفها بالتأكيد.
وأكد المنتج جمال العدل، أن الفنان عادل إمام هو أكبر وأهم وأعظم فنان في تاريخ مصر، معقبًا: "أتمنى يجي زيه، لكن معتقدش إن هيجي زيه، ده رجل استمر لمدة 50 سنة نجم مصر الأول وما زال".
وتابع: "لما قعدنا عشان نشوف هنعمل إيه، كان عاوز يشتغل بنفس الشكل اللي شغال بيه، بنفس المخرج والمؤلف ونفس الناس، وكلهم ناس هايلين، لكن اعتراضي في أني كنت أريد أن أضيف وأغير وأحس إني مختلف عن المنتج اللي كان معاه".
وأردف: "مفتقد عادل إمام، وشايف إنه معدي أي حاجة، أنا ندمان إني معملتهوش أي حاجة، ودلوقتي ممكن أوافق باللي يقول عليه، خدتني العزة بالإثم، وكان نفسي أعمله حاجة مختلفة شوية".
وأكمل: "مقدرش في سني ده أعمل عمل فني وهو مش عاجبني، لكن أنا كمشاهد مفتقد جدًا عادل إمام".
