وجه الفنان حسني شتا رسالة عبر صفحته على موقع التواصل الاجتماعي، "فيسبوك"، يطمئن فيها جمهوره على كلبه، مؤكدا إجراءه عملية جراحية وأنه سيكون بخير.
ووجه رسالة شكر لأصحاب القلوب الرحيمة التي تعاطفت مع حالة كلبه، ومعربا عن اندهاشه من بعض التعليقات التي وصلت له وتمنى بعضها الموت لكلبه.
وكتب شتا: "الحمد لله الكلب بتاعي عمل عملية وهيكون بخير..شكرا لكل القلوب الرحيمة ومستغرب من بعض التعليقات اللي وصلت إنها بتتمناله الموت.. في حين أنا بتمنلهم قلوبهم يكون فيها رحمة".
وأضاف: "الحيوان روح خلقها ربنا وهو مسئول مني والناس اللي بتقعد تقول ما إنت شوف الإنسان المحتاج واللي واللي.. هو حضرتك عارف أنا بعمل إيه.. الحمد لله أنا متربي إن قلبي يكون فيه خير تجاه الأرواح اللي خلقها ربنا".
واختتم: "حبيت اطمن كل الناس اللي بعتتلي واللي كان رد فعلهم كله إنسانية.. شكرا ليكم مرة تانية تسلموا يا إخواتي".
أنا تايه وقلبي واجعني
وكان طلب الفنان حسنى شتا متابعيه الدعاء لكلبه بعد سقوطه من البلكونة، وذلك عبر حسابه الشخصي على موقع تبادل الصور والفيديوهات “إنستجرام”.
وكتب حسنى شتا: “الكلب بتاعي وقع من البلكونة في إسكندرية، وأنا دلوقتي في مدينة الإنتاج الإعلامي في القاهرة بصور.. وهيروح المستشفى لأنه مصاب إصابات خطيرة.. ممكن تتمنوله الشفاء لأني تايه وقلبي وجعني ومتوتر جدا ومش عارف أعمل إيه”.
مسلسل الاختيار 3
ويشارك الفنان حسني شتا في مسلسل الاختيار 3، من بطولة أحمد السقا وياسر جلال وكريم عبدالعزيز وأحمد عز ومجموعة من الفنانين، تأليف هاني سرحان، إخراج بيتر ميمي ويعرض على شبكة قنوات on e.
