كشف الفنان سعد الصغير عن حقيقة علاقته بالفنانه بوسي، وحول الخلاف الذي نشأ بينها وبين والدها، موضحًا مأساة بوسي الشخصية ونشأتها.
وقال الفنان سعد الصغير، خلال لقائه ببرنامج "سابع سما" مع الإعلامية راغدة شلهوب، المُذاع عبر فضائية "النهار"، مساء الأحد:" بوسي كانت بتقعد بالشهر تأكل ملح وعيش، الراجل دا كان بيصرف ويروح يسهر ومبيديش أمها جنيه، الست دي شافت الأسي، معملش على شعرها مرة كدا وقال لها يا بنتي".
وأشار إلى أن كل ما فعله هو محاولة تصليح للوضع بين بوسي ووالدها، متابعًا: "اللي ضايقني إني كنت بعمل خير وبعتت مدير أعمالها عشان هو اللى يرد عليا بدل ما تقول يا سعد تشكر أنك مسكت أبويا وقولت كل اللى أنا عايز أقوله".
وتابع: "أبوها دا طلع عينها، ومحضرش فرحها وكان معاه فلوس وكان مبيصرفش عليها هي وأمها مش لاقيين ياكلوا، أسوأ حاجة عملها معاها".
