سجل الفنان محمد كيلاني، رسالة صوتية لابنه حمزة قبل الصعود للطائرة لخوض تجربة السكاي دايفينج، قال له فيها: "بحبك أوي وكان نفسي تبقى معايا، عارف لما تشوفني هتموت وتعمل كده، أوعدك هنعمل كده مع بعض قريب جدًا".
وعن أصعب اللحظات التي مرت عليه في تجربة السكاي دايفينج، قال كيلاني، خلال لقائه ببرنامج "نجوم السما" المذاع على القناة "الأولى": "مفيش ولا لحظة صعبة، وكنت مبسوط أوي، ونفس أعمل كده تاني كتير، شكل المياه والبيوت، والمراكب، ودرجات لون المياه حاجة فظيعة".
وأردف: "أحلى إحساس في الدنيا، لازم كل الناس تجربها، بلدنا حلوة أوي، حتت كتير فيها سكاي دايفينج، لكن محدش عنده نفس اللوكيشين، عايز أعمل أي حاجة وأطلع فوق تاني".
ووجه كيلاني، رسالة لمدربي السكاي دايفينج، قائلًا: "بقر عليكم جدًا".
أما قبل السكاي دايفينج، أبدى كيلاني حماسه للتجربة، قائلًا: "متحمس جدًا، نفس أغمض عيني وأفتحها ألاقي باب الطيارة بيتفتح".
