كشف الكابتن عمرو زكي، حقيقة تطليق والده لزوجته دون أن يعلم "من وراه".
وقال خلال لقائه ببرنامج العرافة، المذاع عبر فضائية المحور، الذي تقدمه الإعلامية بسمة وهبة، “كان عندي 18 سنة نص وكنت متجوز مرتين ومطلق”، معقبًا: "أهلي جوزوني كده، عقليتهم وثقافتهم كده".
وأوضح أنه غير متزوج الآن، معقبًا: "ربنا يكرم عشان أنا مش متجوز خالص دلوقتي".
وأشار إلى أن المجتمع في بعض الأحيان يًحرم الحلال ويحلل الحرام، متابعًا: "يعني إيه المشكلة لو أنا اتجوزت والعلاقة فشلت ومكملتش لأي سبب من الأسباب، ولا النهارده يبقى الواحد مصاحب ويخرج على مزاجه".
وتابع: "مينفعش تحاسبي واحد عنده 18 سنة ومعندوش أي خبرات في الحياة، والدي ووالدتي مينفعش أحاسبهم، أنا عارف إنهم حسب ثقافتهم عايزين يقفلوا على ابنهم وعايزين الاستقرار".
وأردف: “أنا بستثمر في ولادي، أنا إزاي هحضنه وأنا مش موجود، ابني الكبير أنا بحبه جدًا، أنا مروحتش رفعت قضية على طليقتي ورميت ابني، بالعكس ابني بيتعلم في مدارس أجنبي وهو دلوقتي في الكلية، أنا لو إنسان مش كويس ربنا مش هيسترني ولا يكرمني”.
وواصل: "طليقتي لما كانت عايزة تعيش كنت بجيب والدتها تقعد معاها في القاهرة، لكن هي اللي مكنتش عايزة تقعد في القاهرة، وقالتلي أنا مقدرش أقعد لوحدي، ووقتها أرسلت صاحبي أقرب شخص لي وكان عارفها كويس أخذها ووصلها لغاية المنصورة عند بيت أهلها".
وأكمل: "سألتها إيه الغرض إنك تطلعي بعد 12 سنة تقولي الكلام ده، وقالت إنها غلطانة وخانها التعبير لأن فيه حد من أهلها وسوس في دماغها".
وحل لاعب كرة القدم السابق عمرو زكى "البلدوزر"، ضيفًا على الإعلامية بسمة وهبة في برنامج "العرافة" المذاع على قناة "المحور".
