علقت الفنانة الشابة رحمة أحمد فرج، على تفاعل الجمهور وأهل الفن ورواد مواقع التواصل الاجتماعي، مع دور "مربوحة" التي تقدمه في مسلسل "الكبير أوي 6"، والذي يعرض حاليًا ضمن موسم رمضان.
رد فعل رحمة أحمد بعد أول تفاعل حقيقي عنها
وأعربت رحمة، عبر حسابها الشخصي بموقع "فيسبوك"، عن سعادتها، مؤكدة عدم قدرتها على وصف إحساسها بالامتنان، مضيفة أن أي شيء جيد حدث لها هو كرم من الله وأكبر مما هي تستحقه، حسب تعبيرها.
وقالت: "أنا مش عارفة أعبر عن إحساسي بالامتنان، الحمد لله والشكر لله أي حاجة حلوة حصلت أو اتقالتلي ده كرم كبير أوي من ربنا، يمكن أكبر من اللي أستحقه، وعاوزة أقول 3 نقط".
وأضافت: "الأولي وهافضل أقول (البوقين) دول كل ما حد يشاور، النقطة دي إن فنانة زي دنيا سمير غانم لا تقارن بحد، أنا مش حد خالص، أنا من فانز دنيا سمير غانم، لأن لو اتحطينا في مقارنة من المؤكد أني أنا اللي هبقى خسرانة".
وتابعت: "الثانية، بعد توفيق ربنا، إن فنان زي أحمد مكي يدي مساحة لحد، حاجة مبتحصلش من أي فنان موجود عالساحة، الراجل ده عنده اللي يكفيه وزيادة أنه يسيب فنان قدامه يقول وهو سايب إيده، مهما اتكلمت عنه مش هأوفيه حقه فنيًا ولا إنسانيًا".
وواصلت: "المبدع أحمد الجندي ميتخيرش عنه، يسيبك تقول ويعليك، ويركبلك شغل، وذكي يعرف يطلع ضحك من أي شخصية ويحطها في مكانها الصح".
واستطردت: "أما الثالثة.. ليك أنت يا حبيب قلبي.. أخويا الكبير الداعم المستمر بكل الطرق... صادق في فرحته.. أنا مهما حكيت عاللي عملته معايا عشان أوصل إني أبقا في عمل من أهم الأعمال في رمضان مش هأكفي فيك كلام، شكرا الفنان أحمد أمين، الأخ والفنان والإنسان، إنك دايمًا جنبي.. أحمد أمين.. أحمد مكي.. أحمد الجندي.. إنتو مكسب لأي فنان ولأي شخص وبشكر ربنا دايمًا إن ربنا كتبلي إني أعرفكو".
واختتمت'"وشكرًا لأي حد دعمني حتى لو بكلمة كويسة وبالأخص صلاح الدالي.. فنان هياخد حقه كويس جدًا ويستاهل أكتر بحبك يا صلوحة.. شكرًا لأي حد وقف جنبي واللي إداني ضهره وربنا لأوريك".
يذكر أن الفنانة رحمة أحمد أثبتت حضورها بحلقة أمس، من مسلسل الكبير أوي والذي يشارك في السباق الرمضاني ٢٠٢٢.
