رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

آمال رمزى: «رقصت أمام رشدى أباظة وقالى إيه عجين الفلاحه ده؟ وعلمنى»

أمال رمزي ورشدي أباظة
أمال رمزي ورشدي أباظة وسعاد حسني

قالت الفنانة آمال رمزي، إنها كانت معجبة بالفنان رشدي أباظة، وكشفت عن تفاصيل أول مشهد جمعها به، مؤكدة أنها لم تنطق بحرف واحد خلال التصوير.

وأضافت خلال لقائها ببرنامج "نص الحدوتة"، مع الإعلامية شيرين سليمان، المذاع عبر فضائية "سي بي سي": "كنا في تصوير أنا ورشدي أباظة، والمفروض أنا في الدور بتاعي برقص وبقول عوض زكي تيجي نرقص شت شت شا.. راح رشدي قاللي إيه عجين الفلاحين ده، وراح جاب أسطوانة وقعد يعلمني الرقص على شت شت شا".

وتابعت، أنها كانت تسكن بجوار الفنانة نادية لطفي، معقبة: "كنت بروح الكوافير اللي عند العمارة بتاعة نادية علشان أشوفها، وبعدين في مرة قولتلها أنا بحب التمثيل وبمثل في المدرسة، وبما إننا جيران فأنا عايزة أمثل، قالتلي طب فيه تصوير بكرة تعالي، روحت من 8 الصبح، ولقيت كمال الشيخ، وكمال الشناوي، وعمر الشريف، وبقيت مبهورة، فلقيت نادية لطفي بتقول لأستاذ كمال، جارتي المجنونة ديه شوفولها دور، قالي طب خليكي قاعدة".

وأردفت: "سابوني 4 أو 5 ساعات، وبعدين خلوني كان فيه دور كده لواحدة بتتكلم في التليفون مع كمال الشناوي، ولكن نادية غلطت في تمثيله أكتر من 6 مرات، فأنا قولتلها روحي قوليله أنا حفظت، وسيبيني أنا أمثله".

وتابعت: "أستاذ كمال قالي تعرفي تمثليه؟، قولتله ده أنا ممكن أعمل مشهد جديد، قالي طب قولي كده، وفعلًا سمعتهم من غير ما أغلط خالص، وبالفعل عملت المشهد ده وبدأت من هنا".