بكت الفنانة منة عرفة على الهواء متأثرة بالحديث عن طلاقها من محمود المهدي، في لقاء تليفزيوني.
وقالت منة عرفة، خلال لقائها الإعلامية رغدة شلهوب في برنامج "سابع سما"، المُذاع عبر فضائية "النهار"، مساء الأحد: "لو ربيت قطة وماتت هأزعل عليها، فما بالك بني آدم، وأنا بحبه جدًا وبكن له كل الاحترام".
وأضافت منة: "زعلانة من نفسي شوية قصرت في حاجات كثير، لكننا حاولنا طول سنة، كان بينا حاجات حلوة، والرومانسية اللي كانت بينا مبقتش زي الأول".
وعن إمكانية رجوعها لمحمود المهدي، قالت منة: "أنا مش بأكرهه، عيشت معاه حاجات حلوة كثير، ابقي اسأليه".
ونفت منة سعيها للظهور تريند، قائلة: "مبتكلمش عن نفسي كثير، وكل المعروف عني غلط، بيقولوا عايزة تثبت للناس إنها كبرت، وأنا لو حكيت اللي بأتعرض له للناس هأصعب عليهم".
وأكدت منة أنها تعاني في عملها، وأن الحياة ليست سهلة، مردفة: "الناس فاكرين إن الممثل مبيعملش حاجة، كل حد بيتعب في شغلانته، وشغلنا متعب".
