أكدت الفنانة منة عرفة أنها تكن كل الحب والاحترام لطليقها محمود المهدي، كاشفة عن أنها حتى الآن لم يتم الطلاق رسميًا، وإنما يسيران في إجراءاته.
وأضافت منة خلال لقائها الإعلامية رغدة شلهوب في برنامج "سابع سما"، المُذاع عبر فضائية "النهار"، مساء الأحد: "الطلاق أول مرة متمش منفصلناش رسميًا، ولحد دلوقتي نسير في إجراءات الطلاق، فيه تفاصيل، وفيه بيزنيس معين بين الأهل، بنخلص الحاجات دي عشان يتم الطلاق".
وعن إمكانية رجوعها لمحمود المهدي، قالت منة: "رجوعي أو عدم رجوعي حاجة ترجع لربنا، أنا مش بأكرهه، عيشت معاه حاجات كثير، وأنت لو ربيتي قطة وماتت هتزعلي عليها، فما بالك بني آدم، أنا بحبه جدًا وبكن له كل الاحترام".
وعن سر الطلاق، قالت منة: "محدش يحب يتعلق بحد والموضوع ميكملش، بينا حاجات حلوة، لكن فيه مشاكل حصلت، والسنة دي كلها محاولات مني ومنه، وأخذنا القرار إحنا الاثنين، فجأة الموضوع مبقاش حب ورومانسية، الحياة مبقتش زي الأول".
وأردفت: "حسيت الحياة بينا أكثر من سنة، ولما راجعت نفسي بقيت أفكر يا لهوي كل ده حصل في سنة، حياتي مش مملة أبدًا، دائمًا عندي أحداث سعيدة أو حزينة".
وردًا على سؤال مش عاوز يرجع، قالت منة عرفة لراغدة شلهوب: "ابقي اسأليه".
