تحدث الفنان الشعبي حكيم، عن الأغاني الشعبية، مؤكدًا أنه لا بد أن نحافظ على رونقها ونحترمها لأنها تحمل الكثير من الأحاسيس كالفرح والحزن والألم.
وقال، خلال حواره في برنامج "ملوك الزحمة"، مع المذيعة لينا صالح، الذي يذاع عبر “شعبي إف إم”، إنه يأخذ بعض الألفاظ من الناس في أغانيه، مثل: السلام عليكم، وأفرض مثلا، كلمة ويبني عليها موضوع وقصة الأغنية.
وكشف أن أغنية الجرسون التي قدمها قبل فترة "هي حالة وصورة في نفس الوقت تسمعيها تحسى إن فيه ناس مش جدعان وفيه ناس غدارة، واتعرضت لده قبل كدة من حد قريب مني باعنى بيعة كبيرة بس الله يرحمه، والأغنية ديه مكنتش بتاعتي سمعتها بالصدفة وكان حد تاني هيغنيها بس أنا فضلت أفرك لحد ما أخدتها بالتوزيع بتاعها من المنتج".
محظوظ بأصحابي القُدام
وتابع: "محظوط في أصحابي القدام بس اللي فى البلد وبعيد عليهم وبيجولي من وقت للتاني، ومراتى بتقولى بحس إن أنت مرتاح مع الناس ديه وليا صحاب قريبين من الوسط الفني، وبعد (على سبايسي) ممثلتش تاني، محبتش نفسي كممثل، واقفة المسرح عندي بالدنيا، اتعرض عليا أمثل فى فيلم حلاوة روح بس رفضت وطلبت إني أغني الأغنية وعملتها هدية ومختش فيها حاجة".
واختتم قائلا: "غنيت في احتفالية جائزة نوبل للسلام ومكنش حد غيري غنا، وغنيت في أماكن كتير مكنتش أتخيل إنى أغني فيها".
