تامر محسن يكشف لمتسابقتى «الدوم» الفخ الذى يقع فيه الكثير

أثنى أعضاء لجنة تحكيم "الدوم" على المشهد التمثيلي الذي قدمته المتسابقتان ريم يوسف وأسماء غنيم، من رواية “أم العروسة” للكاتب عبدالحميد جودة السحار، لكن كان لهم بعض الملاحظات التي أخذت عليهما.

نصيحة ليلى علوي

وقالت الفنانة ليلى علوي، عضو لجنة تحكيم برنامج الدوم، المذاع عبر فضائية ON: "كنتم لذاذ أوي، لكن فيه جزء حسيت إن صوتكم مفيش فيه فرحة إنكم بتحبوا أو هتتجوزوا.. الصوت فيه خمول لكن باقي المشهد كان كويس.. ده بيحصل عادي مفيش مشكلة.. عملتوا المشهد كويس لكن لو فيه إعاده له كنتم هتعملوه أفضل".

فخ تامر محسن 

وقال المخرج تامر محسن: "أنتم عملتم حاجة أنا بحبها أوي في التمثيل.. النص اللي الممثل بيقوله بحس إنه مكتوب لهم وهما بيمثلوه.. وكتير جدًا من زملائكم بيقعوا في الفخ ده.. لكن الحقيقة والمنطق أن الشخصية تؤلف الكلام اللي المفروض إن المشاهد مش عارف الجملة اللي جايه إيه.. ودي حاجة صعبة إني أحس إن الكلام طالع من الشخصية ومن الموقف ومن اللحظة.. وده أنتم عملتوه كويس".