قال المؤلف والسيناريست محمد سليمان عبدالمالك، إنه يكره فكرة التخصص في الكتابة، لأنه يحول المؤلف إلى موظف، مشيرًا إلى أنه حاول خلال أعماله أن يكون هناك تنوع بين الدرامي والتاريخي والرومانسي والكوميدي.
وأضاف، خلال لقائه ببرنامج "آخر النهار" مع الدكتور محمد الباز، المُذاع على قناة "النهار": "كنت بجاهد طول الوقت أدور على المساحة اللى لسه معملتهاش، وأخيرًا لما اتوفرت الظروف عشان أعمل عمل تاريخي ظهرت بممالك النار، وشايف إن اللي بيحرك الكاتب هو محاولته أنه يجرب".
وأكد عبدالمالك، أنه يفكر دائمًا في صناعة محتوى عن "الذاكرة"، مضيفًا: "للأسف النهاردة بقى معندناش ذاكرة، بقت عاملة زي ذاكرة السمك وبقينا مع الترند، وده بيأثر على الهوية المصرية، لأن الهوية عبارة عن ذاكرة، وعشان كده أي عمل بعمله بحاول أحط فيه ملمح من ملامح الذاكرة".
اختراق الوعي خطر يهددنا
وتابع: "إذا كان في خطر بيهددنا فهو اختراق الوعي عن طريق الموبايل والروايات والأعمال الدرامية، وده أكبر تهديد للمنطقة، ومصر كمان مش بعيدة عن التهديد ده".
