كشف الفنان الشاب كريم مغاورى، نجل الفنان سامى مغاورى عن إصابته بمرض الاكتئاب، عبر حسابه على موقع التواصل الاجتماعي "فيس بوك".
وكتب كريم مغاورى: "مش قادر أكون متفائل أو اكدب واتظاهر إني متفائل أنا مريض اكتئاب وبتعالج منه وكان نفسي أكون قوي وأقدر أقاومه بس مقدرتش".
وأضاف مغاورى: "كان نفسي يكون ليا أي عمل في رمضان بس مفيش نصيب وراضي والحمد لله.. كان نفسي أعمل عمرة بس ربنا يكتبهالي على خير في وقت هو محدده".
وتابع: "النهاردة نفسي اتكسرت كسرة وحشة قوي من إنسان غالي على قلبي وصاحب فضل عليا بعد ربنا بس خلاني قدام الناس أظهر بشكل إني إنسان بتاع مشاكل ومش بسامح ورغم ده عملت اللي هو عايزه بنية صفية لوجه الله تعالى".
وأردف: "١٤ قرص منوم عشان أنام ومفيش فايدة يارب لو كان ده تكفير ذنوب أنا راضي والحمد لله والرزق بإيد ربنا وكسرة نفسي بطلب من ربنا يجبر بخاطري يارب".
أزمة صحية
وكان الفنان سامى مغاورى، قد تعرض لأزمة صحية، حيث أجرى عملية داخل أحد المستشفيات، وكتب ابنه كريم مغاورى على "استورى" حسابه الشخصى بموقع تبادل الصور والفيديوهات "انستجرام"، "من فضلكم ادعوا لبابا هو دلوقتى في العمليات فضلًا وليس أمرًا".
آخر أعمال كريم مغاورى
يذكر أن آخر أعمال الفنان الشاب كريم سامى مغاورى فيلم "معالي ماما"، من بطولة بشرى ومحمود الليثي ونور إيهاب، وهوعمل من تأليف نادر صلاح الدين، وإخراج أحمد نور.
كما شارك في مسلسل "الحرير المخملى" تأليف شادي أسعد وحمدى التايه وأحمد أبو زيد توفيق، ومن بطولة مصطفى فهمى وداليا مصطفى وأحمد وفيق وأحمد سعيد عبدالغنى ودنيا عبدالعزيز، وإخراج أحمد حسن.
