قال الدكتور محمد الباز، رئيس مجلسي إدارة وتحرير جريدة "الدستور"، إن الدكتور مصطفى مدبولي رئيس الوزراء صرح خلال كلمته في افتتاح عدد من المشروعات القومية في قطاعي الإسكان والطرق، بأن مسئولا يابانيا توقع في 2010 انهيار شبكة الطرق في مصر سنة 2023.
وأضاف الباز خلال برنامجه "مش حسبة برمة" المُذاع على راديو "نغم إف إم": "مصطفى مدبولي قال سنة 2010 كان يتم إعداد مخطط للقاهرة وكان موجود مع الخبراء المصريين خبراء من اليابان، واحد منهم قال أنا مش هفضل في القاهرة لسنة 2023 همشي، لأن الحالة المتردية لشبكة الطرق ستجعل الطرق مقفولة أصلا ومش هيبقى في طرق في مصر، وقال العربيات في مصر هتتحرك بسرعة بطيئة مش هتتجاوز 10 كيلو في الساعة".
وتابع: "مدبولي قال للخبير الياباني طب انت شايف إيه؟ فقاله عشان الوضع يتغير فانتوا محتاجين استثمارات بمئات المليارات، وتمر الأيام ويصبح مصطفى مدبولي رئيسا للوزراء في الوقت اللى فعلا بتنفق مئات المليارات عشان تبقى في بلد قادرة تتحرك".
وأردف: "الكلام اللى قاله مدبولي قاله في إطار شهادة إن ما يحدث في مصر أمر مهم جدا، وإن المليارات اللى بتنفق مهم جدا إنفاقها".
السيسي رجل يفكر في المستقبل
ولفت الباز إلى أن الرئيس عبدالفتاح السيسي رجل يفكر في المستقبل، منوهًا بأن مصطفى مدبولي صرح بأن المليارات التى تنفق تضمن أننا لا نفكر في عمل توسعات بالطرق إلا بعد 100 سنة.
وواصل: "للأسف عندنا ثقافة عيشني النهاردة وموتني بكرة، ولازم ده يتغير".
