شنت الفنانة بدرية طلبة، هجومًا على محمود المهدي، زوج الفنانة منة عرفة السابق، بعد هجومه الأخير على الفنانين وطالبت النقابة بمقاضاته.
وقالت في منشور عبر صفحتها الشخصية بموقع "إنستجرام": "عايز تتشهر؟ أطلع اشتم فنان، عايز شهرة أكتر؟؟ اشتم الوسط الفني، عايز شهرة أكتر وأكتر؟ لايڤات كتير وأشتم".
وأضافت: "بتشتغل إيه؟ ممثل بنتج لنفسي بفلوسي، متجوز مين؟؟ ممثلة، طب بعد اللايڤات والشتيمة اتشهرت؟؟ لالا طب عملت إيه؟؟ طلقت مراتي الممثلة!، بجد ولا زى كل مرة؟؟؟ مش عارف حسألها أنا مش فاضي، بتعمل إيه؟؟ أنا طالع لايف يمكن المرة دى أتشهر لما الوسط الفنى بالبشاعة دى بتتمحك فيه ليه بطالب النقابة أن تقاضى أي نكرة يقل أدبه على أي فنان دا حقنا عند نقابتنا كفاية بقى تلطيش وقلة أدب فينا مش حنفضل على نظام الحسنة تخص والسيئة تعم، إحنا عندنا عيلة وأولاد وأحفاد مش كل شوية يطلع مريض شهرة، يقل أدبه".
انفصال منة عرفة عن زوجها
يذكر أن محمود المهدي، أعلن عن انفصاله عن منة عرفة، وذلك للمرة الثانية بعد مرور 4 أشهر على الانفصال الأول، وقال في منشور عبر خاصية الأستوري بصفحته الشخصية بموقع “إنستجرام”: “تم الانفـصال والحمد لله على كل شيء، وربنا يوفقها ويوفقني”.
وأضاف: "ربنا اللى بيرزق العبد عمرها ما كانت فى يد حد وضد الفساد حتى لو فضلت لوحدى بس ربنا معايا الحمد لله".
رد محمود المهدي على وصف النقيب له بالنكرة
وكان محمود المهدي، قد أعلن عن أنه سيتخذ الإجراءات القانونية ضد أشرف زكي، نقيب المهن التمثيلية، بعدما وصفه الأخير بـ«النكرة».
وكتب محمود المهدي عبر خاصية ستوري على موقع إنستجرام: «هيتم اتخاذ الإجراءات القانونية من شخص مفروض قدوة للفن والممثلين ومفيش حد فوق القانون، وللأسف مافيش حد هيقف معايا في ده عشان المصلحة. بس الحمد لله الأهم من كل ده ربنا معايا، وعمري ما هسكت لما أشوف حاجة غلط».
