قال الرئيس عبدالفتاح السيسي، إنه تحدث في ملف حقوق الإنسان خلال زيارته إلى بلجيكا، حيث إنه يضعه في أولوياته دائمًا، لأن لدينا قضية غير معلومة في الخارج، وهي التحديات التي ذكرتها الدكتورة هالة السعيد، والدكتور مصطفى مدبولي.
وأضاف الرئيس السيسي، خلال كلمته في إطلاق المشروع القومي لتنمية الأسرة المصرية، اليوم الإثنين، أنه تحدث مع مسئول في بلجيكا عن الناتج المحلي لدولته فقال له: "500 مليار دولار لـ10 ملايين نسمة"، ليرد عليه قائلًا: "أنا عايز دخلي ومعدل نموي يكون 500 تريليون دولار عشان عندي 100 مليون نسمة، والناس في مصر مظلومة ومش بتتعلم كويس ومش بتتعالج كويس".
حالة الرضا المجتمعي لم تكن موجودة في 2011
وتابع: "هي دي حقوق الإنسان اللي أنا أعرفها، أنا عايزه يتكلم بس يعرف قضية البلد دي كويس قبل ما يتكلم وينكد على الناس في بيوتها، وعايز أقولكم إن الناس خرجت في 2011 لأن حالة الرضا المجتمعي لم تكن موجودة، ومفيش حاجه مكفية، ومفيش تعليم كويس أو مدرسة كويسة، وعملنا الدولة خصم لعمل دراما".
وأردف: "أنا دايمًا بسجل حاجة واحدة هي الحفاظ على الدولة المصرية وعدم انزلاقها مرة تانية للدمار والخراب في 2011، واللي إحنا بنتكلم فيه النهارده هو تغيير أسباب تردينا، خاصة أني عايزة أعمل جامعة تدي تعليم كويس، ومستشفى تدي علاج كويس، مش الناس تتخانق عشان تغشش ولادها عشان في الآخر تقولي ابني معاه شهادة شغلوه بقى".
