تصدر عدد من النجوم مؤشرات البحث خلال الساعات القليلة الماضية، وذلك لما تضمنته من أحداث مثيرة ومقلقة.
هدى هاني تنجو من الموت اللذيذ
نجت الفنانة هدى هاني الشهيرة بدور جهاد، في مسلسل يوميات ونيس، من القتل اللذيذ وجهت رسالة تحذير لجمورها من خلال منشور عبر صفحتها الشخصية بموقع "فيسبوك".
وقالت هدى في رسالتها: "أنا من الناس اللي عمري ولا نزلت صورة ليا وانا مريضة أو فيا حاجة مكسورة أو مركبة كانيولا أو اقول ادعولي أو اي حاجة من دي....(لاني مش بفضل اعمل كده).. بس التجربة المرة دي غريبة ومختلفة وحبيت اشاركها معاكم عشان تاخدوا بالكم كويس.... وربنا أراد اني ابقي فيها والحم دلله علي كل حاجة ربنا يعملها".
وأضافت: "ده كان أشعة علي المخ والصدر وطبعا تحاليل دم وتركيب أكسجين وغيره وغيره وناس دخلت الرعاية المركزة عشان تسمم دم ونقص الأكسجين في الدم".
وتابعت: "اللي حصل ان انا و٤ بنات معايا كمان استنشقنا غاز أول اكسيد الكربون مع غاز الكلوريد الناتج من حمام السباحة وسخانات احتراق الوقود اللي طلعت لنا الشيء اللي استنشقناه من غير ما نحس بيه.... لأنه ولا ليه لون ولا طعم ولا رائحة خاااالص...وده الغاز اللي بيسموه (الموت اللذيذ) لأنك مش بتحس بأي حاجة غير إنك بيغمي عليك وانت ونصيبك في الوقت اللي قعدته مع الغاز ده....لأن الأكسجين بيحصل إنه مش بيوصل للمخ ودي معروف بيحصل بعدها إيه.....مش عارفة إيه حل الموضوع ده غير إنكم تأمنوا نفسكم كويس وتاخدوا بالكم من سخانات الغاز اللي في البيوت... وفي الأول والآخر ربنا بيسترها معانا...قدر الله وما شاء فعل...اتكتب لنا عمر جديد والحمد لله رب العالمين".
العثور على فنان لبناني متوفى بمنزله بالقاهرة
عُثر على الفنان اللبناني جان بيبر حداد، ميتًا في منزله بالقاهرة عن عمر يناهز الـ 39 عامًا.
وكان زملاء جان بيير حداد عثروا عليه جثة هامدة داخل حمام شقته في منطقة الشيخ زايد، وعلى الفور أبلغوا الشرطة.
وكشف أحد زملائه التفاصيل قائلًا: “ذهبنا إلى الشقة للاطمئنان عليه بعد تأخـره عن موعد الفرقة وعدم الرد على الهاتف”، وتم تحرير محضر بالواقعة بدأت جهات التحقيق في المعاينة وكشف ملابسات الحادث، وأمرت جهات التحقيق بالشيخ زايد بتشريح الجثمان ويشتبه أن يكون سبب الوفاة الاختناق بالغاز.
وحضرت شقيقة الراحل وابن عمه إلى مصر لمتابعة التحقيقات والتنسيق مع السفارة اللبنانية لإنهاء إجراءات التحقيق واستلام الجثمان لدفنه في لبنان.
عند وصول قوات الأمن وفحص مسكنه، تبيّن سلامة أبواب ونوافذ الشقة، وبفحص الجثمان، تبين عدم وجود إصابات ظاهرية.
وبتوقيع الكشف الطبي على الجثمان، من قبل الطبيب الشرعي تبين وفاته مختنـقًا على إثر حدوث تسرب غاز، وعدم وجود شبهة جنائية حول وفاته، وفق المصدر الأمني.
وجرى التحفظ على الجثـة تحت تصرف النيابة العامة، واتخاذ الإجراءات القانونية اللازمة حيال الواقعة، وإخطار السفارة اللبنانية لإنهاء إجراءات الدفن، والجثمان وصل للبنان اليوم للانتهاء من مراسم دفنه.
