وجهت الفنانة هنا الزاهد رسالة شكر خاصة للفان تامر حسني، الذي تشاركه خلال الوقت الحالي في تصوير فيلم "بحبك"، ونشرت صور منه عبر صفحتها الشخصية بموقع "إنستجرام".
وقات هنا في تعليقها على الصور: "فيلم بحبك.. أول مسلسل تقريبا مثلتوا كان مع تامر ودلوقتي بتعامل معاه في الفيلم مش ممثل بس ومخرج الفيلم.. شكرا على كل تفصيلة بتقولهالي كمخرج.. وعلى بجد مجهودك اللي بشوفوا قدامي.. إن شاء الله يعجبكم ويكرمنا يا رب".
في الوقت نفسه رد عليها تامر حسني قائلًا: "ألف ألف شكر يا أجمل هنا ربنا يكرمنا مع بعض ونعمل فيلم الناس يحبوه ويعبر عنهم لفترة طويلة من حياتهم".
رسالة تامر حسني لجمهوره عن الفيلم
وكان تامر حسني، قد كشف في منشور عبر صفحته الشخصية سبب تسمية هذا الفيلم قائلًا: "من أول يومين تصوير لفيلمنا الجديد (بحبك) طبعًا فيه ناس هتقرا اسم الفيلم بحبِك وناس هتقراه بحبَك دا طبعًا مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثي للرجل في أحداث فعلًا محيرة جدًا".
وأضاف: "الفيلم أكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم والمستقبل الجميلة هنا الزاهد ومبسوط إني أول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم ومبسوط جدًا لمشاركة حبيب قلبي نجم الكوميديا الكبير حمدي المرغني اللي هيعمل إن شاء الله شغل رهيب في الفيلم كعادته الجميلة وللأسف لسه مصورش علشان انزل صوره بس في أول يوم تصوير له ههريه صور".
