ياسمين عز عن واقعة عروس الإسماعيلية: "رجل حمش.. والزوجة احتوته لأنها متربية"

علقت الإعلامية ياسمين عز على واقعة ضرب عروس الإسماعيلية، قائلة: “الراجل بطبعه حامي وحمش على المرأة أن تحتويه، راجلك ده هدية ربنا ليكي على الأرض، ونعمة ربنا ليكي، حبيه وحافظي عليه، وعروسة الإسماعيلية أصيلة وبنت ناس ومتربية، لمت دنيتها ودارت على شمعتها واحتوت الموقف، واحتوت جوزها وراجلها”.

وأضافت، خلال تقديمها برنامج "كلام الناس" المذاع على قناة "إم بي سي مصر" مساء اليوم الجمعة: “مش معقول العروسة هتبوظ فرحها وفرحتها وحب 13 سنة عشان موقف إحنا مش عارفين تفاصيله، ومش كل اللي تشوفه أو تسمعه أو تبص عليه في كاميرا فيديو اتصور في شارع أو في بيت تصدقه، وعلينا بالنهاية إنهم سمن على عسل”.

وتابعت: “أكيد العريس عنده رصيد كبير عند عروسته يخليها تغفرله، والمسامح كريم”.

سعادة المرأة في وجود الرجل في حياتها

وأكدت أن سعادة المرأة في وجود الرجل في حياتها، ومن تقول إن من أول شربة ولمسة عليكي بالطلاق، فإن هذه المرأة لا تحبك، مضيفة: "صاحبتك دي مش هتجبلك عريس، وهتقعدي في البيت، ومش كل حاجة تحصل من الراجل نقول يالا طلقني"، ده بيقولك "ضل راجل ولا ضل حيطة"، فهو ضهرك وأمانك وحمايتك، وستات زمان كانوا بيقولوا "يا سي" بمعنى سيدي وتاج راسي، وبكدة إنتي الملكة.