استنكرت المحامية نهاد أبوالقمصان عدم تدخل أي رجل من الرجال الذين ظهروا في فيديو ضرب عروس الإسماعيلية لإنقاذها من يد عريسها، قائلة: "الثلاثين أو الأربعين راجل إللي كانوا واقفين أمام الكوافير كانوا بيعملوا إيه.. مفيش راجل فيهم يدخل يقول له عيب وما يصحش إللي إنت بتعمله ده.. أو اتنين يكتفوه في نوبة الهياج والغضب وكل ده عشان اتأخرت في الكوافير حسب شهادة شهود آخرين في الفيديوهات.. الرجالة فين بالصلاة على النبي؟!".
تنازل العروس عن المحضر
وأضافت أبوالقمصان، أنه كان من الطبيعي أن تتنازل العروس عن المحضر في قسم الشرطة، معقبة: "مفيش بديل لها.. فالضرب جنحة تصل عقوبتها إلى ثلاث سنوات سجن.. هل البديل أن تصر وعريسها هو ابن عمها وهم صعايدة وترجع بعد كده يقولولك جالها اكتئاب وخدت حباية غلة زي ما بنسمع عن بنات كتير.. أنا في رأيي إنهم بيتقتلوا مش بينتحروا.. فما هو شكل الحماية التي ستحصل عليها بعد خروجها من القسم؟!"
