شاركت الفنانة نشوى مصطفى جمهورها بتفاصيل قصة زواجها من المصري الأمريكي محمد عماد، وخطوبتها التي تمت في عيد الحب قبل 30 عامًا.
وكشفت نشوى، أنها تعرفت على زوجها بترتيب أهلهما لزواج صالونات، ورغم اتفاق الطرفين على إبلاغ أهلهما أنهما غير موافقين على هذا الزواج، إلا أنها فوجئت به يتصل بها في اليوم التالي، ليخبرها أنه غير رأيه وقرر يخطبها.
قصة زواج نشوى مصطفى
وكتبت نشوى عبر فيسبوك: "زي النهاردة من ٣٠ سنة كانت خطوبتنا، كنا عارفين بعض قبلها بيومين، اتجوزنا صالونات، أول مرة شفنا بعض قلت له أنا مش حابة أتجوز بالطريقة دى وأهلى غاصبين عليا أشوفك، قال لى وأنا كمان أمى هي اللي مرشحاكى ليا وأنا مش حتجوز مصرية، كان عايش فى أمريكا، المهم قلت له عداك العيب يبقى تقول لوالدتك إنى معجبتكش وأنا حاقول لأهلى إنى استرخمتك".
وتابعت نشوى "تانى يوم كلمنى وقال لى نشوى أنا غيرت رأيى وقررت أتجوز مصرية واعملى حسابك بكرة جاي أخطبك".
كيف عبر زوج نشوى مصطفى عن حبه لها في الفلانتين؟
وواصلت: "النهاردة عيد الحب ومكنش فاكر طبعًا تاريخ خطوبتنا، بفكّره، رد وقال لى يااااااااه معقولة ٣٠ سنة مستحمل وصامد، قلت له يا عم فى المناسبات دي الراجل بيقول لمراته بحبك، رد بشكل تلغرافى، وقال: بحبك قلت له بتحبنى أد إيه قال لى بحبك أد ما بحب الونش وأبوجبل وأبوآدم وأوباما".
