«عيد استقلال سعيد».. رضوى الشربينى توجه رسالة للسناجل حول العالم

وجهت الإعلامية رضوى الشربيني، رسالة إلى جمهورها غير المرتبطين في عيد الحب، عبر حسابها على موقع تداول التدوينات القصيرة "تويتر".

وكتبت الشربيني عبر "تويتر": "إلى كل السناجل حول العالم.. عيد استقلال سعيد"، وتفاعل معها عدد كبير من متابعيها.

فوائد للبنات السينجل فى عيد الحب

وكان الإعلامية رضوى الشربيني، خلال برنامجها "هي وبس" المذاع على قناة "cbc سفرة"، كشفت عن فوائد للبنات السينجل في عيد الحب.

وقالت: "للسينجل فوايد كتيرة خلال فترة الفلانتين، منها مثلًا مفيش أي نوع من الضغط النفسي اللي ممكن تتعرضيه لو هو في حياتك، انتي بتعيشي في سلام مفيش نكد، مفيش دراما، وطبعًا مفيش خناقة".

وتابعت: "وانتي سينجل، مفيش مقارنات هتقومي بيها مع غيرك، أنتي قاعدة برنسيس في نفسك، كمان من فوايد إنك سينجل انك هتعملي فلوس ده أكتر وقت البنات تقدر تعمل فيها فلوس وتحوش".

وأردفت: "خلال فترة أنك سينجل بتكوني صاحبة قرارك وخاصة في الخروج قادرة تاخد قرارك من غير أي حسابات للشخص المرتبطة به، كمان وقت السينجلة هو أكتر وقت بتعرفي تحبي نفسك فيه، وتوزعي حب على كل اللي حواليكي سواء الأب والأم". 

وختمت رضوى الشربيني حديثها قائلة: "وانتي سينجل انتي عندك القدرة على الاعتناء الشخصي بنفسك من ماسكات وتمارين وجلسات عناية".