قالت الفنانة التونسية عائشة بن أحمد: "معرفتش احتفل بعيد ميلادي ولا هعرف احتفل بعيد الحب بسبب انشغالى في التصوير، وحاليًا بصور مسلسل "ملف سري" للسباق الرمضاني 2022 مع هانى سلامة وماجد المصرى ونضال الشافعى وإدوارد، تأليف محمود حجاج، وإخراج حسن البلاسي".
وأضافت «بن أحمد»، عبر مداخلة هاتفية ببرنامج "خلاص صحينا" المذاع على ميجا إف إم، اليوم الاثنين، أن الحب بالنسبة لها مفتاح كل حاجة، معقبة: "مقدرش أعيش من غير حب لأن مشاعري هى اللى طاغية وهى اللى بتحركني، وأنا صعبة ومش سهلة في اختياراتي العاطفية، لأني دايمًا عايزة الامتياز في كل حاجة".
مواصفات شريك حياتها
وأكدت أن أهم شيء في شريك حياتها، هو لازم يكون راجل مثقف وواعي، ومش بيحكم على الناس وسابق عصره وذكي ومش كداب، لأن الكذب أكبر عدو ليا.
وعلقت على أغنية "الغزالة رايقة"، قائلة: "أكتر أغنية بتعبر عن حالتي الاجتماعية والعاطفية دلوقتي، وبحب كل حاجة في مصر، ولما بسافر وحد يكلمنى بالمصري بفرح، وعن الأكل المصري: "بحب في الأكل المصري المسقعة والكشري وشوربة العدس".
