قالت الفنان إلهام شاهين، إن طقوسها الخاصة في الاحتفال بعيد الحب هي التغزل في "إلهام الصغيرة" نجلة شقيقتها، مشيرة إلى أنها مولودة يوم 14 فبراير.
وأضافت، خلال مداخلة هاتفية ببرنامج "الستات" المُذاع على قناة "النهار": "في الفلانتين بفضل أحب في إلهام الصغيرة لأنها مولودة في 14 فبراير"، لافتة إلى أن إلهام الصغيرة تحب التمثيل بشكل كبير، ولديها شخصية مستقلة، ورأيها من دماغها.
وتابعت: "إلهام الصغيرة بتسمع لكلامي، لكن مش بتقول هعمل اللى بقوله ليها ولا لا، لأنها شخصية قوية وعنيدة شويتين وعاوزة تصنع نجاحها لوحدها".
لهذا السبب وصفت علاقة رونالدو وجورجينا بالـ شو
وعلقت إلهام شاهين، على علاقة اللاعب كريستيانو رونالدو وجورجينا، قائلة: "دايمًا بقول أي علاقة بين اثنين دي علاقة شخصية، ومش مفروض حد يقول هو ده بيحب ده بطريقة صح ولا لا، لكن أرى أن الحب حالة خاصة بين اثنين، وبما أنه خرجها للعلن وهي كمان بالشكل الكبير ده، فده بيدي الفرصة للناس تعلق، وأنا بشوف ده شو ومش حاجة حقيقية، لأن المشاعر الحقيقية حاجة خاصة بين اتنين، أما الناس مالها؟".
وواصل: "اثنين متجوزين بيبوسوا بعض في الشارع ده حقك وحقها لكن إحنا مالنا، أنا مش بحب الشو ولفت النظر بالشكل ده، وبحس أن في منظرة وكذب".
