سيدة تروى تفاصيل ولادتها فى الميكروباص: "بقالى أسبوع رايحة جاية على المستشفى"

كشفت السيدة إسراء، عن تفاصيل واقعة ولادتها داخل ميكروباص، أثناء توجهها للمستشفى.

وقالت إسراء خلال مداخلة هاتفية مع الإعلامي شريف عامر في برنامج "يحدث في مصر" المذاع عبر فضائية "إم بي سي مصر"، إنها كانت تتوجه للمستشفى منذ أسبوع عندما كانت تعاني من آلام الولادة، لكن الأطباء أخبروها أن الوقت ما زال مبكرًا.

  سيدة تروي تفاصيل ولادتها في الميكروباص

وأردفت إسراء: "بروح المستشفى كل يوم وبنرجع مفيش أمل، وفي اليوم ده كان فيه وجع قلت وجع زي كل يوم، روحت من عند والدتي قعدت يومين في البيت، اليوم ده قررت أنزل، كلمتها 8 الصبح وجع بسيط، وقلت لها أنا تعبت من المرواح للمستشفى".

وتابعت: "قررت أروح المستشفى، والوجع اشتد وأنا بألبس، جوزي كان بيجرجرني من على السلم ومعاه أولادي، مجرد ما طلعت الميكروباص، بقيت أصرخ، جوزي بيقولي اسكتي، الناس مش عارفة بصوّت ليه".

من ناحيتها قالت نسمة عاشور الممرضة التي أجرت عملية الولادة لسيدة في ميكروباص، إنها وجدت السيدة تصرخ من الألم، فطلبت منها تأخذ نفس، وفي منتصف الطريق قالت السيدة إنها تشعر بشىء ينزل منها، مردفة: "طلعت الركاب قدام ورجعت معاها في الخلف حصل انفجار في كيس المياه، ورأس البيبي ظاهر، والحمد لله البيبي لم يحتج أكسجين ولا شفط".