علق الكابتن حازم إمام، عضو مجلس إدارة اتحاد الكرة، على نتائج بطولة أمم إفريقيا قائلا: كل الماتشات بتاعت مصر بطبيعتي قبلها ببقى قلقان زي كوت ديفوار والمغرب بس بمجرد بدء اللعب بحس أنهم جامدين.
صعوبات واجهها المنتخب المصري بأمم إفريقيا
تابع في لقاء خلال برنامج "كلمة أخيرة" الذي تقدمه الإعلامية لميس الحديدي على شاشة "أون إي": تفاجأت بالأداء بداية "كوت ديفوار" وحسيت بالسعادة التشكيل كان رائعا جدا واللاعيبة عملوا ماتش كويس أوي.. كنا بنلعب راس براس وأحسن كمان وعملوا فرص كتيرة ومنعم وحجازي عملوا شغل كويس أوي وتخطوا لاعبين دوليين.
وأضاف: مش أنا بس اللي تفاجأت، مصر كلها لأن أقصى طموح كان لينا هو دور 16 عشان شكلنا يبقى كويس بعد كوت ديفوار والمغرب وبالأخص الأخيرة التي لم يدخل فيها جون واحد في أي مباراة ضمن تصفيات كأس العالم والمنتخب المصري عمل ماتش طويل معاها وبرد فعل قوي وكان ماتش حلو جدا.
وحول مباراة القمة مع السنغال قال: ماتش السنغال ليه خصوصية والناس كتيرة بتتكلم بس ماجربوش منتخب السنغال وأنا كنت عارف أنهم هيتعبوا فيه جدا.. الناس كلها بتتكلم وهي قاعدة في البيت.
واصل: طبيعي الأولاد كانوا هيتعبوا مننا والسنغال كانت الأفضل مننا في مباراة الأمس.
وأكد أن مصر هي الأحق والأولى بالبطولة والسنغال تستحق مباراة الأمس لعدة أسباب، قائلا: مصر كانت أولى بالبطولة لإنها لعبت مع فرق صعبة جدًا لعبنا نيجيريا والكاميرون وكوت ديفوار والمغرب كل الفرق الكبيرة في البطولة وفي المقابل السنغال لم تلعب مع أحد الفرق الكبيرة.
