رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

أول تعليق لـ كارولين عزمي بعد القبض على المتحرش بها

 كارولين عزمي
كارولين عزمي

عبرت الفنانة الشابة كارولين عزمي، عن سعادتها بالقبض على الشخص الذي تحرش بها بعد الفيديو الذي وثقته لعملية التحرش.

وقالت في منشور عبر صفحتها الشخصية بموقع "إنستجرام": “الحمد لله حقي رجعلي عايزة أشكر وزارة الداخلية والنيابة العامة على سرعة الاستجابة ووقفتهم شكرا أنكم مسكتو الشخص دا في نفس اليوم”.

وأضافت: "وأحب أقول لكل البنات أي موقف تتعرضيله اوعي تستكي واجهي ومتخافيش وحقك هيجيلك إحنا في بلد فيها قانون مع احترامي لزوجته وأولاده بس أنا مش هتنازل وأتمنى يكون درس ليه وعبره لغيره".

تفاصيل القصة

ونشرت كارولين عزمي، فيديو عبر صفحتها الشخصية بموقع "إنستجرام"، وعلقت عليه قائلة: "أنا اللى يعرفنى أو متابعنى عارف إني شخص مالوش فى المشاكل ولا عمري شاركت مشكلة تخصنى سوشيال ميديا، باختصار النهارده كنت فى عربيتي وجنبي عربية فيها واحد كسر عليا كل اللى عملتو إنى بصتله وبصيت قدامى فلقيته بيكرر نفس الحركة تانى باستظراف روحت طلعت الموبايل وعملت نفسي بصور عشان أخوفه وأخليه يبطل يضايقنى اتفاجأت وهو بيقولى بتصوريني يا بنت المت.. سعتها اتخضيت وبدأت اصور بجد وإنتوا هتشوفو في الفيديو الحركات اللي بي أيدو والشتايم…. وبدأ يقولى تعالى ورايا والحقيقة إنى مش عارفه أروح واره فين أو كان عايز يعمل إيه ولأنى اتوترت وخوفت ساعتها مقدرش أصور ١٪؜ من اللى عمله الشخص دا".

وأضافت: "أنا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد إنه شخص مريض!أكيد الشخص دا أذى بنات كتير لأنه تقريبا متعود على الحركات دى ومتعود يخوفهم ومش همه حتى إنه يتصور ويتفضح.. أنا عايزه حقى يرجع".