رئيس مجلسي الإدارة والتحرير
د. محمد الباز
رئيس التحرير التنفيذي
وائل لطفى
رئيس مجلسى الإدارة والتحرير
د. محمد الباز
رئيس التحرير
وائل لطفى

سمية الخشاب تبكى بسبب الكوميكسات عن الطحال: «أوجاع الناس مش مادة للسخرية»

ستوديو

ردت الفنانة سمية الخشاب، على ما يتردد عن استغلالها جراحة "استئصال الطحال"، لتتحول لنجمة سوشيال ميديا، قائلة: "هم اللي استغلوه، أنا فقدت جزءا من جسمي وناس بتطلع كوميكس عليه، ميصحش، الناس لازم تحترم مشاعر الناس مينفعش نطلع كوميك على حاجات تتعبنا، كله سلف ودين".

وأضافت خلال لقائها الإعلامية أسما إبراهيم في برنامج "حبر سري" المذاع على قناة القاهرة والناس: "ناس بتستظرف وتعمل كوميك على مشاكل ناس بتتألم، يا سيدي يا رب يبقى عندك اللي عندي، أوجاع الناس مش مادة للسخرية، دي سخافة".

وأردفت: "أنا فاقدة جزء من جسمي، وأنت بتسخر، هم فاكرين إنه نكتة وألاقي حد باعت لي أخبار الطحال إيه يا فنانة؟ أخبار إيه؟ هو معدش موجود".

وظهرت بعض الدموع على الفنانة سمية الخشاب أثناء حديثها، إلا أنها استدركت الموقف قائلة: "عندي مشكلة في القناة الدمعية، مش لدرجة أعيط، أنا متصالحة مع الحياة، ومن ساعة ما شلت طحالي بقى دمي خفيف وبقيت فرفوشة".